डॉ. भीमराव अम्बेडकर जयंती के अवसर पर कृपाल सिंह शीला (स.अ.) राजकीय जूनियर हाईस्कूल मुनियाचौरा, भिकियासैंण, अल्मोड़ा (उत्तराखंड) द्वारा एक कुमाऊंनी गीत।
डॉ. भीमराव अम्बेडकर
तुम छा अमर हो,
संविधान तुमुल ल्यखौ
देशक हमर हो।
तुम विद्वान तुम महान
देशक का तुम छिया शान,
तुमरी जयंती पारि
हाथ जोड़ि करुं प्रणाम।
डॉ. अम्बेडकर तुम आपूं कैं
करि गछा अमर हो,
संविधान तुमुल ल्यखौ
देशक हमर हो।
गरीबी तुमुल देखी
जीवन में रया भौत अभाव।
विद्वान लोगों बीच में
तुमर छिया भल प्रभाव।
ईज – बौज्यू चौंदवीं संतान
बचपनै बै प्रतिभावन,
नौ भाषा ज्याण छिया
तुम छिया भौत्तै विद्वान।
चौंसठ विषयों के मास्टर
बत्तीस डिग्री लेई तुमुल,
तुम देशक महान नेता
तुमरि जयंती हम मनुल।
महिलाओं कैं आघिल बढ़ाय
समाज कैं सही राह दिखाय,
आपण भल कामोंल तुम
आपूं कैं करि गछा अमर हो।
शिक्षित बणौ, संगठित रहो
अधिकारों लिजी संघर्ष करो,
समाज में समभाव बढ़ौ
जागो युवा कुछ तै करो।
डॉ. भीमराव अम्बेडकर
तुम छा अमर हो,
संविधान तुमुल ल्यखौ
देशक हमर हो।
रिपोर्टर- एस. आर. चन्द्रा भिकियासैंण
